Entroido canda os do Eixo

A loita non cesa. Os veciños do Eixo, parroquia compostelana, seguen coa súa particular peregrinación, pero neste caso non remata na Praza do Obradoiro, senón que ten un final desexado moito máis sinxelo: a volta á súa casa de Os Tres do Eixo.

.

Mentres os tres inocentes seguen na cadea, no pensamento de todos os veciños do Eixo, -e de moita xente do noso país que está sensibilizado ante esta inxustiza-, resoan sen cesar as palabras que lles adicaron Jesús, José e Simón: Quedamos nas vosas mans, para significar o seu berro tanto pesimista, coa súa entrada no cárcere de Teixeiro, como esperanzador, pola forza que ten a voz dun pobo.

.

O xeito de seguir a berrar esta vez aconteceu no pasado Entroido 2008, cando toda a parroquia disfrazouse de presidiarios, mentras coreaban chirigotas reivindicativas. Aí volas deixo, para pasar un bó rato e para darse conta do que hai.

.
NO ENTROIDO DESTE ANO
TEMOS MOITO QUE CONTAR,
NO EIXO PASARON COUSAS
QUE DEBEMOS ACLARAR.

INGRESARON NA CADEA
TRES VECIÑOS INOCENTES,
POR DEFENDER INTERESES
DE TODOS OS RESIDENTES.

A DEFENSA FOI CATIVA
POIS MOI MAL OS DEFENDEU
SOMOS MOITOS OS QUE PENSAN
QUE O AVOGADO SE VENDEU.

BUGALLO FOI DE VISITA
Á VOLTA DI NO XORNAL,
VIN ÓS TRES EN TEIXEIRO
E ESTÁN FENOMENAL.

ESTARÍAN MOITO MELLOR
SE OS POLÍTICOS SE MOLLARAN,
SOLO CON BOAS PALABRAS
NON EVITARON QUE ENTRARAN

O IMPRESENTABLE CONDE ROA
PÚXOSE COA POLICÍA
A DE LEVAR MOITOS VOTOS
DOS DE SANTA LUCÍA.


POR DAÑO QUE NON SE FIXO
NON SE PODE PEDIR PERDÓN,

ACABOUNO PEDINDO EL
POLA SÚA SEPARACIÓN.

AINDA QUE REZABA MOITO
E TIÑA GRAN DEVOCIÓN
LlOUSE CUNHA MAIS NOVA
FOI A SÚA PERDICIÓN.

Ó POLICÍA LESIONADO
A CABEZA LLE DOÍA,
PASÁBALLE DE REPENTE
TRAFICANDO CA GANDERÍA

SEU IRMÁN CHAMOU Á RADIO
E DIXO ABERTAMENTE,
ADEMÁIS DE QUERER DIÑEIRO
TEN MOITO CONTO O AXENTE

VARIOS MILES DE PERSOAS
FOMOS EN MANIFESTACIÓN
PEDÍNDOLLE O INDULTO
Ó GOBERNO DA NACIÓN.

GRACIAS A ESA BOA XENTE
POLA COLABORACIÓN,
OS VECIÑOS DO EIXO QUEDAN
A SÚA DISPOSICIÓN.
.